№59 мектеп-лицейінде
SHARE жобасы жүзеге асырылуда

№59 мектеп-лицейінде мұғалімдердің зерттеушілік мәдениетін дамытуға және оқыту сапасын арттыруға бағытталған халықаралық SHARE (School Hub for Action Research in Education) білім беру жобасы жүзеге асырылуда.

Жоба NIS/SHARE бағдарламасы аясында Астана қаласының Білім басқармасы, Кембридж университеті және серіктес ұйымдармен бірлесіп іске асырылуда.

Мектепте педагог-зерттеушілерден құралған жұмыс тобы құрылып, оқу үдерісіндегі өзекті мәселелерді зерттеу, білім беру тәжірибесін талдау және тиімді әдістерді енгізу жұмыстары жүргізілуде. Зерттеу бағыттарының бірі — кері байланыстың оқушылардың жауапкершілігі мен дербестігін қалыптастырудағы рөлі.

Жоба мұғалімдердің кәсіби дамуына және білім сапасын арттыруға бағытталған.